Ｍｕｈａｒｒａｍ-０2 | Fazilat Ki Waja Talash Karne Ki Zaroorat Nahi

╭┅• ͜✯͜͡ ۝͜͡ ͜͡  「﷽」  ۝͜͡  ✯͜ •┅​╮

🌐Ｍｕｈａｒｒａｍ-０2🌐

《Fazilat Ki Waja Talash Karne Ki Zaroorat Nahi.》

Is Tahqiq Mein Padne Ki Zaroorat Nahi Ki Kis Waja Se Allah Taala Is Din Ko Fazilat Bakhshi? Balki Ye Sab Allah Taala Ke Banaye Hue Din Hai,Wo Kis Din Ko Chahte Hai Apni Rahmato Aur Barkato Ke Liye Pasand Kar Lete Hai, Wo Hee Iski Hikmat Aur Maslihat Ko Jante Hai, Hamari Aur Aapki Aqal Se Bahar Ki Baat Hai Is Liye Is Bahas Mein Padne Ki Zaroorat Nahi. 

《Is Din Sunnat Wale Kaam Kare.》

Itni Baat Zaroor Hai Ki Jab Allah Taala Ne Is Din Ko Apni Rehmat Aur Barkat Ke Liye Pasand Kar Liya To Iska Ahtiram Ye Hai Ki Is Din Ko Us Kaam Mein Istemaal Kiya Jaye, Jo Kaam Nabie Karim ﷺ Ki Sunnat Se Saabit Ho, Sunnat Ke Taur Par Iska Ek Hukam Hai Ke Is Din Roza Rakha Jaye, Chunanche Ek Hadees Mein Nabie Karim ﷺ Ne Irshad Farmaya Is Din Mein Roza Rakhna Guzishta Ek Saal Ke Gunaho Ka Kaffara Ho Jayega. Bas Ek Hukam Sunnat Hai Iski Koshish Karni Chahiye, Allah Taala Iski Taufiq Ataa Farmaye, Aameen. 

╰┅┈•✿ ͜✯🌹  ͜͡ ۝͜͡  🌹✯͜ ✿•┄┅​╯​​​

Ｍｕｈａｒｒａｍ-０１《Aashura Ka Roza》

╭┅• ͜✯͜͡ ۝͜͡ ͜͡  「﷽」  ۝͜͡  ✯͜ •┅​╮

🌐Ｍｕｈａｒｒａｍ-０１🌐

《Aashura Ka Roza》

Khas Taur Par Muharram Ki 10vi Tarikh, Jisko Aam Taur Par Yavme Aashura Kaha Jata Hai, Jiske Maana Hai Dasva Din Ye Allah Taala Ki Khususi Rahmat Va Barkat Ka Din Hai. Jab Tak Ramzan Ke Roze Farz Nahi Hue The, Us Waqt Tak Aashura Ka Roza Rakhna Musalmano Par Farz Qarar Diya Gaya Tha, Baad Mein Jab Ramzan Ke Roze Farz Ho Gaye, To Aashura Ke Roze Ka Farz Hona Khatam Hogaya.

Lekin Nabie Karim ﷺ  Ne Aashura Ke Din Roza Rakhne Ko Sunnat Aur Mustahab Qarar Diya Hai. Ek Hadees Mein Nabie Karim ﷺ Ne Ye Irshad Farmaya Ke Mujhe Allah Taala Ki Rahmat Se Ummid Hai Ki Jo Shakhs Aashura Ka Roza Rakhega, To Uske Pichhle Ek Saal Ke Gunaho Ka Kaffara Ho Jayega. 

╰┅┈•✿ ͜✯🌹  ͜͡ ۝͜͡  🌹✯͜ ✿•┄┅​╯​​​

Saaleheen ke khwābon ka bayān:

📚

Saaleheen ke khwābon ka bayān:

Book of Interpretation of Dreams:

Narrated Anas bin Malik:

Rasool Allah (ﷺ) ne farmāya, "Kisi nek aadmi ka accha khwāb Nabuwwat ka 46 wa hissa hai."

(Sahih Bukhari, Book 91, Hadith 2)

💎 💎 💎

🇮🇳 Independence Day 🇮🇳 Post No | 4

★

     

   ✧-----------------﷽-----------------✧

     🇮🇳 Independence Day 🇮🇳

               Special Post

            🇮🇳 Post No-04 🇮🇳

   ✧------------------------------------------✧

╔══◐══◐══┅♡◐♡┅═══◐══◐══╗

🔵 S A W A A L

      ≤≥☆≤≥☆≤≥☆≤≥

✧⇝❥15 August Ya 26 January Ke Mauqe Par Apne Desh Se Muhabbato-Aqaeedat Ka Izahaar Ke Liye "Jan Gaṇa Man" Ya Is Jaise Dusre Raaṣhtriya Taraane (National Rythem) Ya Geet Paḍhnaa Kaisa Hai ?

🔵 J A W A A B

  ☆≅☆≅☆≅☆≅☆≅☆

★➻Har Aisi Nazam (Kavita) Taraanaa Ya Geet Jisme Kufro-Shirk Wale Alfaaz Ho, Aise Taraanon, Geet Ya Nazam Ka Paḍhna Jaiz Nahin Hai, Fir Jis Kavita Ya Shero-Shaayri Me Kisi Ki Burayi Bayaan Ki Jaye, Ya Khamakhaa Ki Taarif Ki Jaaye To Woh Geet Ya Taraane Chaahe Rashtriya Ho Ya Gair Raashtriya, Unka Paḍhna Bhi Sahih Nahin Hai. 

Haan Vaise Jis Geet Ya Taraane Me Kufariyyah Shirakiyyah Alfaaz Na Ho, Aise Hee Usme Jhooṭh, Kisee Ki Buraai Ya Jhooṭee Taarif Na Ho To Uska Paḍhnaa Jaiz Hai. 

Aur "Jana Gaṇa Man " Taraane Me Aise Alfaaz Nahi Hai Jinhen Shirk Kahaa Jaye, Lihaza Ise Paḍhana Durst Hai. 

📚Shaamee 2/433.

📓Soorah-Shuaraa 224) Tafaseer Nasafee 2/588.

📓Aap Ke Masaail Aur Un Ka Hal 8/488.

➻post Alhumdulillah Muqammal Hua

Dua me yaad rakhna.

         ✍Mufti Imran Sahab D.b

╚══◐══◐══┅♡◐♡┅═══◐══◐══╝

🇮🇳 Independence Day 🇮🇳 post | 3

★

     

   ✧-----------------﷽-----------------✧

     🇮🇳  Independence Day 🇮🇳

                Special Post

            🇮🇳  Post No-03 🇮🇳

   ✧------------------------------------------✧

╔══◐══◐══┅♡◐♡┅═══◐══◐══╗

🔵 S A W A A L

      ≤≥☆≤≥☆≤≥☆≤≥

Vande Maataram Kehna Kaisa Hai ?

Agar Na-Jaiz Hai To Kyun ?

Kya Watan Se Muhabbat Nahin Karni Chahiye ?

🔵 J A W A A B

  ☆≅☆≅☆≅☆≅☆≅☆

Musalmano Ko Is Mulk Se Badi Muhabbat Hai, Us Ne Is Mulk Ko Aazad Karane Ke Liye Aazadi Ki Jung Hinduon Se Pehle 1772 Me Shah Abdul Azeez Muhaddis E Dehalvi R.A. Ke Angrez Ke Khilaf Jihad Ke Fatwe Ke Baad Shuru Kar Di Thi, Usi Din Se Musalmono Ne Apne Khoon Se Hindustan Ki Dharti Ko Sincha Hai, Aur Watan Se Itni Ziyadah  Muhabbat Hai Ke Marne Ke Ba'Ad Naha Kar Isi Me Dafan Hota Hai,

Lekin Musalman Ke Liye Ye Baat Mumkin Nahi  Ke Woh Kisi Cheez Ko Allah Aur Uske Rasool Se Ziyadah Chahe, Aur Usse Mohabbat Kare, Ya Uska Woh Ehteram Kiya Jaaye Jo Khuda Ke Liye Khaas Hai,

Kyun Ke  Pooja Aur Bandagi Ke Laayak Sirf Aur Sirf *Allah Paak* Ki Zaat Hai, Khuda Ke Siwa Kisi Ki Ibadat Jaiz Nahi, Na Farishto Ki, Na Rasoolo Ki, Na Kisi Wali Ki, Aur Na Hi Kisi Aur Cheez Ki. Aur Insan Sirf Allah Ka Banda Hai, Kisi Dariya, Pahaad, Suraj, Sitare Aur Kisi Makhluq Ka Nahin, Isee Liye Watan Se Woh Muhabbat Jisse Bandagi Laazim Aaye Kisi Haal Me Jaiz Nahin, Yahi Hamara Imaan Aur Aqeedah (Manyata) Hai Ke Allah Ke Siwa Kisi Ki Bandagi Karna Kisi Haal Me Jaiz Nahi, Aur Watan Ko Ma'Bud Ka Darajah Diya Jaaye To Yeh Allah Ke Saath Shirk (Partner) Maanna Hai, Aur Shirk To Kisi Haal Me Maaf Nahi,

Isee Back Ground Me Is Geet Ko Dekhna Chahiye Jo Vande Maatram Ke Naam Se Mash'Hur Hai.

Yeh Geet (Vande Maataram) Bankim Chandra Chetarji Ne Likha He, Aur Taarikh Shaahid (Gavaah) Hai Ke *Yeh Angrezo Ki Khushamad Me Kahaa Gaya Hai, Isee Liye Mulk Ke Bade Leaders Pandit Jawahar Laal Nehru, Subhash Chandra Bose, Dr. Lohiya Wagerah* Ne Bhi Is Nizaee (Ladai Peda Karne Wale) Taraane Ko *Na-Pasand Kiya Hai* Aur Geet Ke Baare Me Musalmano Ke Ikhtilaf Ko Sahih Aur Haquiqi Aur Unki Dharmik Bhawna Ko Thokar Pahonchane Wala Maan Liya Hai

Is Geet Ki Shuruaat Is Misra'A (Pankti) Se Hoti Hai. :-

     "Mai Tere Samne Jhukta Hun Aey Meri Maa (Zameen)"

Fir Aage Yun Hai...

     "Tu Hi Meri Duniya  Hai, Tu Hi Mera Dharam Hai"...

Fir Geet Ke End Me Is Tarah Hai:-

   "Me Gulam Hun, Gulam Ka Gulam Hun,

Gulam Ke Gulam Ka Gulam Hun,

Achchhe Paani, Achchhe Phalo Wali Maa !, Me Tera Banda Hun.."

       Isee Geet Me Ek Jagah Hindustan Ko Durga Maata Ka Darajah De Kar Kahaa Gaya Hai:-

   "Tu Hi Hai Durga, Das Hathyar Band Haatho Wali"

     Yeh Hai Woh Nazam Jisme Shaayar Ne Watan Ko Khuda Se Badhaa Kar Ma'Abud (Ibadat Ke Laayak) Ka Darajah Diya Hai,

Ab Musalmano Se Iska Chahat Karna Ke Is Khayal Ko Qubul Kar Le, Aur Apne Zameer Ko Bech Kar Aur Apne Aqeede Ko Tod Kar Dusron Ki Rawa Rawi Me Yeh Shirkiya Taraana Padhe, Mazhabi Sakhti Aur Jabadasti Ke Siwa Kya Hai ??

Yeh To Aqeede Ki Baat Hui, 

Sikke Ka Ek Aur Rukh Bhi Hai, Woh Yeh Ke Vande Maatram Asal Me Bangali Novel "Aanand Muth" Ka Hissah Hai, Jisme Hinduon Ko Musalmano Ke Khilaf Bhadkaya Aur Uksaya Gayaa Hai, Nafrat Ke Sho'Ale Bhadkane Ki Koshish Ki Gayi Hai, Aur Angrezo Ka Welcome Kiya Gayaa Hai,  Kya Koi Sachcha Vatan Se Muhabbat Rakhne Wala Jiska Dil Sahih Mayno Me

"Dil Hai Hindustani" Ki Tasvir Ho, Aise Angrezo Ke Pitthu Aur Nafrat Felane Wale Ash'Aar (Geet) Ko Pasand Kar Sakta Hai ?

Usko Accha Samajh Sakta Hai ??

Never For Ever.

Lihaza Hazaaro Mira Kumari Aur Digar Bin Secular Firqa Parast Log Naaraz Hote Rahe, Hum Imaan Wale Aise Lagv, Bekar Aur Aqeeda Aur Imaan Ke Khilaf Tarane Ko Kabhi Qubul Nahi Kar Sakte, Balke Me To Kahunga Sachche Vatan Parast Aur Seculer Log Kabhi Is Taraane Ko Nahi Gayenge, Isiliye Jawahar Laal Nehru, Subhash Ch.Bose Aur Dr. Lohya Jaise Kai Bade Gair Muslim Log Bhi Isko Nahin Maante The.

     📓Ma'Khuz Az Raahe Amal)

         ✍Mufti Imran Sahab D.b

╚══◐══◐══┅♡◐♡┅═══◐══◐══╝

〰️〰️〰️〰️〰️〰️〰️〰️〰️〰️〰️〰️

Independence Day. post | 2

★

     

   ✧-----------------﷽-----------------✧

     🇮🇳  Independence Day  🇮🇳

                Special Post

            🇮🇳  Post No-02 🇮🇳

   ✧------------------------------------------✧

╔══◐══◐══┅♡◐♡┅═══◐══◐══╗

🔵 S A W A A L

      ≤≥☆≤≥☆≤≥☆≤≥

15 August Aur 26 January  Ko Jhandaa (Flag) Buland Kiya Jaata Hai Is Mauqe Par Shirkat Karnewale Bhi Haath Uthaakr Usko Salaami Paish Karte Hain Aur Jhande Ke Aage Jhukte Hain Uska Sharaee Hukm Kya Hai?

🔵 J A W A A B

  ☆≅☆≅☆≅☆≅☆≅☆

Jhandaa Lehrana Aur Salami Dena  Durust Hai, Ek Siyasi Aur Faujee Amal Hai, Aur Ahle Ilm Ne Usko Jaaiz Qaraar Diya Hai, Albatta Us Mauqe Se Aisa Koi Amal Karna Jis Se Jhande Ki Gair Ma'Amuli [Extra Ordinary] Ta'Azim [Respect] Zaahir Hoti Ho Jaise Dono Haath Jodna Ya Jhuknaa Jaaiz Nahi Hai, Islami Point Of View Se Kisi Bhi Makhluq Ke Saath Is Tarah Ki Ta'Azim Ka Sulook Saheeh Nahin Hai.

 🇮🇳🇮🇳🇮🇳🇮🇳🇮🇳🇮🇳🇮🇳🇮🇳🇮🇳

Hazrat Mufti Kifayatullah Sahab Rahmatullahi Alayhi Farmate Hain "Jhande Ko Salaami De Sakte Hain, Islami Hukoomaton Me Bhi Hota Hai,

 Us Me Taazeem Ka Shubah Ho To Us Me Islaah Ho Sakti Hai. *(Is Tarah Ke Sar Buland Kar Ke Seena Taan Kar Salami Dee Jaye)* Lihaza Is Ko Mutlaqan-Bilkul Mushrikanah Amal Qaraar Dena Saheeh Nahi.

📓➻fatawa Raheemiyah 10/180 

        📚➻Kitabul Fatawa 1/281.

╚══◐══◐══┅♡◐♡┅═══◐══◐══

〰〰〰〰〰〰〰〰〰〰

🇮🇳 Independence Day 🇮🇳

★

     

   ✧-----------------﷽-----------------✧

     🇮🇳 Independence Day 🇮🇳

               Special Post

            🇮🇳 Post No-01 🇮🇳

   ✧------------------------------------------✧

╔══◐══◐══┅♡◐♡┅═══◐══◐══╗

🔵 S A W A A L

      ≤≥☆≤≥☆≤≥☆≤≥

✧⇝❥Hindustan Se Islam Aur Musalmano Ka Kya Ta'Alluq Raha Hai Aur Muslaman Is Sar Zameen Se Kyun Muhabbat Karte Hai ?

✧⇝❥Musalman Hindustan Ko Unke Baap dada Ka Desh Kyun Kehte Hai ?

🔵 J A W A A B

  ☆≅☆≅☆≅☆≅☆≅☆

Hindustan Se Hame Muhabbat Honi Chahiye Aur Yeh Hamaare Baap-Dada Ki Sar Zameen Hai Is Ki Kai Wujuhaat (wajah) Hai.

Hindustan Musalmano Ke Liye Paraaya Mulk Ya Ajnabi Zameen Nahin Hai, Yahaan Unke Paygambar [As.] Se Lekar  Baap Daada Dafan Hue Hain.

Puri Duniya Ke Musalmano Ka Yeh Aqeeda [Shradhdha] Hai Ke Insaan Ki Zaat Ke Paida Hone Ki Ibteda [Shuruaat] Hazrat Aadam [As.] Se Hui Hai, Duniya Me Jitne Insaan Guzar Gaye Aur Jo Haal Me [Abhi] Hai, Usme Gorey Ho Ya Kale, Hindustani Ho Ya Afriqi, America Europe Ke Rehne Wale, Arab Ho Ya Angrez, Ye Tamaam Insaan Hazrat Aadam [As.] Ki Aulaad Me Se Hai, Islaam Mazhab Ka Ye Aqeeda Hai, Aur Christian Aur Yahudi Ka Bhi Yahi Aqeeda Hai, Musalmaan Hazrat Aadam [As.] Ko Unke Dada Maante Hai, Isliye Unke Dada Ka Jo Watan Tha Wo Hee Watan Muslamano Ka Aslee Watan Hai, Hindustaan Jaise Bade Mulk Me Allah Ta'ala Ne Apne Kisi Khaas Paygambar Ko Zarur Bheja Hoga,  

Aaiye, Hum Aisi Kuchh Chizon Par Gour Kare Jisse Ye Pataa Chalta Hai Ke Hindustan Ki Puratan Kaal [Ibtedai Zamane] Se Chali Aa Rahi Jaaho Jalaali Kaisi Thi.  

1. Allama Ibnne Kaseer Ne Apni Tafseer Me Likha Hai Ke Suddee Rahmatullahi Alayhi  Farmate Hai Hz. Aadam [علیہ السلام ] Jannat Me Se Hindustan Ki Zameen Par Utre, Wahan Aap Ke Sath ‘’Hajre Aswad’’ Aur Jannat Ke Darakht Ke Kuchh Patte The.Un Patton Ko Adam علیہ السلام Ne Jannat Me Se Nikaale Jane Ki Wajha Se Afsos Karte Huwe Dabaya To Us Me Se Khushbu Paida Hui Aur Us Patte Ko Hindustan Me Fela Diye Usee Se Khushbu Dar Darakht Paida Huwe (Ood Ki Khushbu Ki Asal Yahi Hai). 

📓Tafseere Ibne Kaseer Jild 1 Safa 102)

2. Hazrat Aayesha Siddiqa [Rd.] Unki Riwayat Me Bayan Kar Ke Farmati Hai Ke: Hz. Aadam [As.] ‘’Sinhaldeep” Yani “Lanka” Ke Pahaad Par Utre Aur Maa Hawwa [As.] “Jiddah” Me Utri The, Hz. Aadam [As.] Bahot Lambe Arse Tak Maa Hawwa [As.] Ki Talaash Karte Rahe, “Muzdalifa” Jagah Par Dono Ka Milaap Huwa, Uske Baad Allah Ke Hukm Se Hz. Aadam [As.] Ne Khana E Kaaba Ki Taameer Ki, Aur Hindustan Me Aakar Rehne Lage

Hz. Aadam [As.] Ki Aulaaad Me Hz.Shees [As .] Bhi The, Aap Ki Mazaar Mubarak “Ayodhya” Faizabaad Me Hone Ka Bataya Jata Hai, 

Ek Riwayat Ye Bhi Hai Ke, Hz. Aadam [As .] Ne Hindustan Se 40 Haj Paidal Kiye The.

Tareekhee Riwayaton  Ye Niche Likhi Gayi Chizen Saabit Hoti Hai,  

1. Hindustan Allah Ke Sab Se Pehle Paygambar Hz. Aadam [As. ] Ne Jahaan Qadam Rakha Wo Zameen Hai. 

2. Hz. Aadam [As. ] Nabi The, Is Liye Sab Se Pehle Nubuwwat Ka Suraj Hindustan Me TuluA Huwa.

3. Duniya Me Sab Se Pehle “Ruhul Quddus” Hz. Jibraeel [As.] Sab Se Pehle Hindustan Me Naazil Huwe The.Yani Sab Se Pahli Wahee-Allah Taala Ka Farman Hindustan Me Utra, 

4. Ibne Asaakir [Rh.] Ne Hz. Sa’Ad (Rz. ) Ke Hawale Se Likha Hai Ke, Allah Ta’Ala Ne Hz. Aadam [As.] Ke Liye ‘’Dahnaa’’ Ki Mitti Li Thi, Research Karne Walon Ka Bayaan Hai Ke ‘’Dahnaa” Hindustan Ka Hi Koi Maqaam Hai.

(Taarikhe Dimashq 7/437)

5. Hz. Ibne Abbas [As] Se Riwayat Hai Ke Allah Ta’Ala Ne  Aadam {As.} Ki Qayamat Tak Paida Hone Wali Aulaad Se Jo “Ahad E Alast”(Me Tamam Insaan Ka Rab-Khuda Hun) Liya Tha, Wo Bhi Dahnaa Maqaam Par Liya Tha.

6.Hazrat Muhammad Sallallahu Alayhi Wasallam Ka Paak Noor Hz. Aadam [As. ] Ke Saath Hindustaan Me Roshan Huwa.

〰️〰️〰️〰️〰️〰️〰️〰️〰️〰️〰️